УИХ дахь МАН-ын бүлгийн эмэгтэй гишүүд нэгдэн Л.Оюун-Эрдэнийн тэргүүлсэн “Шинэ үеийн” Засгийн газрын таван гишүүнийг эмэгтэйчүүдээр бүрдүүлэхийг МАН-ын дарга У.Хүрэлсүх, Ерөнхий нарийн бичгийн дарга Д.Амарбаясгалан нараас хүссэн.

Тэгвэл уг хүсэлтийг МАН-ын дарга У.Хүрэлсүх болон Ерөнхий сайд Л.Оюун-Эрдэнэ нар нааштайгаар хүлээж авсан гэх мэдээлэл байна.

Үүнтэй холбогдуулан МАН-ын эмэгтэй гишүүдийн дунд сайдын суудлын төлөөх ширүүн өрсөлдөөн өрнөж эхэлжээ.

Сайдын суудалд санаархагчдыг УИХ-ын гишүүн М.Оюунчимэг тэргүүлж байгаа бөгөөд тэрээр улстөрийн нэр хүндээрээ нам дотроо Д.Сарангэрэлийн дараа бичигдэх хүн гэж өөрийгөө үнэлэн давхар дээл өмсөхөөр улайрч эхэлжээ.

Ингэхдээ тэрээр Байгаль орчин, аялал жуулчлалын сайдаар томилж өгөхийг У.Хүрэлсүх, Л.Оюун-Эрдэнэ нараас гуйсан гэх мэдээлэл байна.

М.Оюунчимэгийн тухайд 2016 онд УИХ-ын гишүүнээр сонгогдсоныхоо дараа автобусны кондуктор эгчийгээ Чингэлтэй дүүргийн  Хүүхэд, гэр бүл хүүхэд, залуучуудын хөгжлийн хэлтсийн даргын албан тушаалд томилуулж төрийн албыг төрлийн алба болгосон гэх шүүмжлэлд өртөж байсан нэгэн юм.