УИХ-ын гишүүн С.Амарсайхан, Үндэсний хөгжлийн газрын дарга Б.Баярсайхан, “Моннис групп”-ийн ерөнхийлөгч Б.Чулуунбаатар нарыг АТГ-аас шалгаж эхэлжээ. Тэднийг нийслэлийн нийтийн тээврийн парк шинэлчлэл болон ЕБС-ийн сурагчдын аюулгүй байдлыг хангах, Улаанбаатар хотын авто замын түгжрэлийг бууруулах зорилготой "Сургуулийн автобус" төслийн асуудалтай холбогдуулан шалгаж эхэлсэн байна.

Ингэхдээ С.Амарсайхан нарыг эрх мэдэл албан тушаалаа урвуулан ашиглаж, улсад онц их хэмжээний хохирол учруулсан гэх үндэслэлээр шалгаж байгаа гэдгийг зарим хэвлэлд онцолжээ.

БНХАУ-ын зах зээл дээр 43-45 мянган ам.долларын үнээр зарагдаж байгаа сургуулийн автобусыг нэг бүрийн үнэ нь 130 мянга орчим ам.доллароор үнэлэн оруулж ирсэн нь тэднийг шалгах үндэслэл болсон бололтой.