“Хөгжлийн банкны хулгайтай тэмцэнэ” хэмээн зарлаад байгаа МАН-ын Ерөнхий нарийн бичгийн дарга Д.Амарбаясгалан өөрийн зөвлөх Ж.Эрхэмбаатарыг Хөгжлийн банкны дэд захирлаар томилуулжээ.

Хөгжлийн банкны ТУЗ-ын 2022 оны 02 дугаар сарын 11-ний өдрийн хурлаар уг томилгоог хийсэн байна. Ж.Эрхэмбаатараас гадна З. Батырбекийг Хөгжлийн банкны өөр нэгэн дэд захирлын албан тушаалд томилсон гэдэг мэдээлэл байна. З.Батырбекийн тухайд Н.Энхбаярын хүн гэгддэг нэгэн юм байна. Энэ утгаараа МАН-ын зүгээс Н.Энхбаярын хүмүүсийг энэ мэтээр албан тушаалд томилж өрөө төлж эхэлсэн бололтой.

Нөгөөтээгүүр Д.Амарбаясгалан тэргүүтнүүдийн зүгээс Хөгжлийн банкны хулгайтай тэмцэнэ хэмээсний цаана хуучин хулгайчдыг нь хөөж явуулаад оронд нь өөрийн хүмүүсээ томилуулах ашиг сонирхол нуугдаж байсан бололтой байна.