УИХ-ын гишүүн асан А.Сүхбат  өөрийн төрсөн дүү А.Баттөгсийн эхнэр Г.Буяндэлгэрийн нэр дээр бүртгэлтэй  "Түгээмэл түмэн хишиг" компанийн нэрээр Хөгжлийн банкнаас зээл авчээ. 

Тэрбээр уг зээлийг 2020 оны 7 дугаар сарын 31 өдөр авсан байдаг  бөгөөд нийтдээ 18.5 тэрбум төгрөгийг Хөгжлийн банкнаас зээлжээ.

Өнөөдрийн байдлаар уг зээлийн үндсэн өр төлбөр  18,5 тэрбум төгрөг, үндсэн зээлийн хүүгийн өр 4.9 тэрбум төгрөг, хур хүү 283 сая төгрөг, торгуулийн хүү 238 сая төгрөгт тус тус хүрснээр уг зээлийн нийт үлдэгдэл 23.9 тэрбум төгрөг болон хуримтлагдсан байна. 

"Түгээмэл түмэн хишиг" ХХК-ийн Хөгжлийн банкинд төлөх ёстой дээрх 23.9 тэрбум төгрөгийн зээл нь чанаргүй зээлийн ангилалд оржээ.