Замын-Үүдийн боомтод  ажил сайжруулахаар очсон зарим албан тушаалтнууд ажлын байраа орхисон тухай мэдээллийг эх сурвалж өглөө. Тухайлбал, Замын-Үүд боомт дахь Гаалийн газрын даргын оронд ажил сайжруулах үүрэг авч томилогдсон Б.Отгонсүх нь ажлын байраа орхиод хэд хоносон гэх мэдээлэл байна. 

Б.Отгонсүхийн тухайд очсон цагаасаа хойш тодорхой үр дүн гаргаагүй, ажил сайжруулж чадаагүй гэдэг шүүмжлэлд өртөөд байгаа юм.

Ерөнхий сайд Л.Оюун-Эрдэнэ одоогоос сарын өмнө яаралтай БНХАУ-ын талтай тохиролцон, ачаа эргэлтийг сайжруулж, наадмын олон хоногийн амралтаар амралтгүй ажиллах үүрэг өгсөн. 

Гэтэл одоогоор Замын-Үүдэд Гаалын газрын дарга нь ийнхүү ажлаа хаяад явсан нөхцөл байдалтай байгаа аж. Уг асуудлыг цаашид томилгоо хийсэн хүмүүс нь анхааралдаа авах биз ээ.