Монгол Улс 2021 оны 06 дугаар сарын 01-ний өдрөөс хилээ нээхээр болжээ. Ингэхдээ Монгол Улсын иргэн эх орондоо ирэхэд заавал дархлаажуулалтад хамрагдсан байхыг шаардахгүй байх юм байна. Өөрөөр хэлбэл эх орондоо ирээд вакцин хийлгэх  боломжоор хангах аж. Гэхдээ гадаадын иргэд бүрэн тундаа хамрагдсан байхыг шаардах бөгөөд хил нээхтэй холбогдуулан дээрх асуудлыг Засгийн газрын хуралдаанд хэлэлцүүлэхийг Монгол Улсын Ерөнхий сайд Л.Оюун-Эрдэнэ холбогдох сайд нарт үүрэг болголоо.