“Эрдэнэс Тавантолгой” ХК Өмнөговь аймагтай Хамтын ажиллагааны гэрээ байгуулж, тус компанийн Гүйцэтгэх захирал Б.Ганхуяг, Өмнөговь аймгийн Засаг дарга Р.Сэддорж нар өнөөдөр /2021.05.07/ гэрээнд гарын үсэг зурлаа.

Монгол Улсын Ашигт малтмалын тухай хуулийн дагуу байгуулагдсан энэхүү гэрээ нь Өмнөговь аймаг болон “Эрдэнэс Тавантолгой” ХК-ийн хооронд байгуулж буй хоёр дахь удаагийн Хамтын ажиллагааны гэрээ юм. Анхны буюу 2018 оны гэрээний хэрэгжилтийг талууд 92.6 гэж дүгнэсэн бөгөөд тус гэрээний хүрээнд Өмнөговь аймагт нийт 18 тэр бум төгрөгийн хөрөнгө оруулалт хийгджээ.

Энэ удаагийн гэрээ нь “Эрдэнэс Тавантолгой” ХК-ийн “А6-20” бизнес төлөвлөгөөгөөг орон нутгийн хөгжлийн бодлоготой уялдуулан хамтын ажиллагааг илүү өргөжүүлэх юм. Тухайлбал, Өмнөговь аймагт хийгдэх дэд бүтэц, бүтээн байгуулалтын хөрөнгө оруулалтыг нэмэгдүүлэх, “Эрдэнэс Тавантолгой Хөгжлийг дэмжих сан” байгуулах, боловсрол, эрүүл мэндийн чиглэлээр олон ажлуудыг хийж хэрэгжүүлнэ. Мөн уламжлалт мал аж ахуй болон бэлчээр ашиглах, хадгалан хамгаалах, усжуулах чиглэлээр хамтран ажиллана.