Мэргэжлийн сүмогийн их аварга Хакүхо М.Даваажаргал короновирусын халдвар авсан талаар Сүмо бөхийн холбооноос мэдэгджээ. 

Японы сүмо бөхийн холбооны мэдээлснээр Хакухо үнэрлэх чадвараа алдах шинж тэмдэг илэрсэн тул шинжилгээ өгсөн байна.

Мөн Арашио дэвжээний эзэн Вакатакакагэ, жюүрио зиндааны бөх Вакамотохару болон доод зиндааны найман тамирчин, үсчин зэрэг хүмүүс халдвар авсан нь тогтоогдож, Сүмо бөхийн холбоонд кластер халдвар гарсан талаар мэдээлжээ.