Хөдөлмөрийн үндэсний намаас Хан-Уул дүүрэгт нэр дэвшин сонгогдсон УИХ-ын гишүүн Т.Доржханд сүүлийн үед сахлаа ургуулах болсон нь зарим хүмүүсээс зохимжгүй гэх шүүмжлэл сонсож байна.

Тэгвэл УИХ-ын гишүүн Т.Доржханд ямар шалтгаанаар сахлаа ургуулсан талаараа цахим хуудастаа хуваалцжээ. 

Тодруулбал тэрээр, “Олон найз нөхдүүд маань төрийн ХҮН болсон тул сахлаа авахыг зөвлөж, санаа тавьсанд талархаж байгаа.

Нийгэмд эерэг хандлагыг бий болгохоор зорьдог #20К_клуб -ийн залуусын хамтаар энэ сард сахлаа хусахгүйгээр сахлын татуурга авах мөнгөө сайн үйлсэд хандивлахаар тохирсон юм. 

#ЭрХүн нэгэнт ЗА гэсэн бол буцах муухай гэдэг зарчим барьдаг тул Та бүгд ойлгож хүлээн авна уу. 

Төрөө хүндлэхгүй байна гэсэн шүүмжийг хүлээн авч байгаа тул 12-р сар гараад хусчихна. (Уг нь ч арьс амраад тухтай л юм.)

Эрчүүд маань энэ хөл хориог ашиглаад эхнэр хүүхэддээ цаг гаргаад, хоол хийж, хог новшноос салах болон гэр орны жаал жуул ажил оролдвол халбага пиво мөрөөдөх нь бага болдог юм байна” хэмээн бичжээ.