Боловсролыг дэмжигч Голомт банк Мандах их сургуультай урт хугацаанд хамтран ажиллах гэрээг байгууллаа. Хамтран ажиллах гэрээний хүрээнд талууд оюутан залуусыг ажлын байранд суурилсан сургалтад хамруулах, багш мэргэжилтнүүдийн туршлага, ур чадварыг хөгжүүлэх чиглэлээр эрдэм шинжилгээний хурал, хэлэлцүүлэг болон оюутны хөгжлийн клуб дугуйлан, практик сургалтуудыг зохион байгуулах, төгсөгчдийг ажлын байранд дагалдан суралцуулахад үр дүнтэй хамтран ажиллах юм. Гэрээнд Голомт банкны Хүний нөөцийн удирдлагын газрын захирал Г.Уянга болон Мандах их сургуулийн Сургалт эрхэлсэн дэд захирал  Ч.Төрбадрах нар гарын үсэг зурлаа.

Голомт банк 2021 оноос эхлэн Европын холбооны санхүүжилттэй Монгол Улсын дээд боловсролын тогтолцоонд ажлын байранд суурилсан сургалтыг нэвтрүүлж, төгсөгчдийн хөдөлмөр эрхлэлтийг нэмэгдүүлэх “Erasmus+MONGWBL” төсөлд ажил олгогчдыг төлөөлөн ажиллаж байна.