Хан-Уул дүүргийн Засаг даргын 2021-2024 оны үйл ажиллагааны хөтөлбөрийн хүрээнд Хөгжлийн бэрхшээлтэй иргэнд тохирсон ажлыг дүүргийн ажил олгогч байгууллагуудтай хамтран ажлын байраар хангах, бүтээлч ажлыг нь дэмжих зорилт дэвшүүлсэн.

Тус зорилтын хүрээнд өнөөдөр /2022.11.23/-ны өдөр Хан-Уул дүүргийн Засаг даргын Тамгын газар, дүүргийн Хөдөлмөр халамжийн үйлчилгээний хэлтэс, “Мишээл групп” хамтран хөгжлийн бэрхшээлтэй иргэдийн хөдөлмөрийн үзэсгэлэн яармаг зохион байгууллаа.

Үзэсгэлэн яармагт 20 гаруй ажил олгогч байгууллагууд нээлттэй ажлын байрыг санал болгож, Хан-Уул дүүргийн Хөдөлмөр халамжийн үйлчилгээний хэлтэс, Нийгмийн даатгалын хэлтсийн ажилтан албан хаагчид иргэдэд зөвлөгөө мэдээлэл өгч хөгжлийн бэрхшээлтэй иргэд үйлдвэрлэсэн бараа бүтээгдэхүүнээ сурталчлан таниулах өдөрлөг болж өндөрлөлөө.